Kylling i tomatsaus (Kotópoulo kapamá)

[Zillah]

Kotópoulo kapamá

Ei enkel men velsmakande oppskrift frå det greske kjøkken. Oppskrifta er original, med unntak av at eg har bytta ut sukker med sukrin. Først brunes kyllingstykka i smør eller olje, og deretter surrar dei seg møre og lekre i tomatsaus smakt til med kanel og vin.




1 kylling på 1200 g
4 tomatar
1 løk
1 fedd kvitløk
salt og nykverna peppar
safta av 1 sitron
½ kopp smør eller olivenolje
1 ts tørka smuldra oregano eller ½ ts malt kanel
½-1 ts sukrin
1 ss frisk hakka persille

½ kopp tørr kvitvin *)

Førebuingar: 20 minutt
Tilberedning: 1-1½ time

Del opp kyllingen i 4 delar og tørk dei med ein godt oppvridd klut. Skyll tomatane, riss eit kryss i dei, legg dei nokre sekund i kokande vatn og flå dei. Skjær av bunnen, fjern kjernene, skjær i småbitar og køyr tomatbitane i ein miksar til det blir ein fin puré. Rens og finhakk løk og kvitløk (ikkje legg kvitløken oppi løken). Gni inn kjøtstykka godt med salt, peppar og sitronsaft.

Varm smør eller olivenolje i ei panne m lokk og brun kjøtstykka på alle sider, dette tar ca 10 minutt. Legg så kyllingen på eit varmt fat.

Surr løken i steikefettet til det blir blankt og la så kvitløken surre med litt før du tilsetter tomatpuréen. Smak til med salt, peppar, oregano/kanel samt sukker/sukrin. Tilsett persillen og hell i vinen. Smak til sausen på nytt og legg i kyllingen igjen. Dei skal vere så vidt dekte med tomatsaus, om nødvendig sper du med litt vatn. Gi alt eit oppkok og la retten surre ved svak varme og under lokk i 40-60 minutt.

Eg aner ikkje kva som passar å servere til, originaloppskrifta foreslår ris eller pasta men det er ikkje lavkarbo Kanskje ein gresk salat av skiva tomat, løk, agurk, grøn salat, fetaost, oregano, oliven og ein god dæsj olivenolje kunne passe?

*) Har du ei åpna flaske vin kan du greit fryse restane, og ta opp for å bruke i matrettar seinare ein gong.

Döpp, Elisabeth: Græsk køkken
Det ny Lademann A/S, København 1991, ISBN 87-15-08801-4