[Furine]

Hei og velkommen!

No går eg ikkje på Atkins sjølv, og er ingen Atkinsekspert. Har du lese deg opp på filosofien sjølv? Anbefaler i alle fall å lese nybyrjartråden til Arnakristin, den er god og informativ, og då eventuelt lese deg opp på Atkins om du ikkje har gjort det.

Blir du svolten etter middag? I så fall skal du ete. Du skal ete når du er svolten.

Om det er dumt å drikke sukkerfri brus i helga? Det kjem jo litt an på kva som er formålet ditt med lavkarbo. Skal du mykje ned i vekt? Lettbrus er jo "lovleg", men somme reagerer med dårleg vektnedgang når dei drikk noko med kunstige søtningsmiddel. Ein annan diskusjon er jo om det er så sunt med alle desse kunstige søtstoffa.

Eg reagerer kanskje litt på at det er så kort tid mellom måltida dine, frukost kl 9, lunsj klokka 11. Blir du svolten så fort? I så fall kan det tyde på at du ikkje får i deg nok mat/nok feitt. Eventuelt at du ikkje drikk nok væske, og då helst reint vatn. Det tok meg lang tid å bli kjent med om eg eigentleg var svolten eller tørst. Ein kan kjenne på svolt når kroppen eigentleg treng væske.

Det med treninga trur eg er noko individuelt. Eg er ikkje den flinkaste til "studiotrening" sjølv, men eg går ganske mykje, og har fått betre kondis av det.